О Хуыцау, ма бауадз фесафын нæ мадæлон æвзаг! - 29 Марта 2016 - ИРОН ПОСТ - Осетинский информационно-аналитический сайт
Вторник, 06.12.2016, 22:55
Главная Регистрация RSS
Приветствую Вас, Гость
Меню сайта
Наш опрос
Как Вы считаете, Северная Осетия опережает по благополучию населения и своего развития соседние р
Всего ответов: 330
Статистика

Онлайн всего: 2
Гостей: 2
Пользователей: 0
Главная » 2016 » Март » 29 » О Хуыцау, ма бауадз фесафын нæ мадæлон æвзаг!
09:57
О Хуыцау, ма бауадз фесафын нæ мадæлон æвзаг!

Цæй диссаг у, цæ, æвæдза, мадæлон æвзаг! Уымæй кадджындæр æмæ фидардæр ницы ис царды. Æгъдау дæр, æфсарм дæр уымæй цæуы. Адæмыхатт кæрæдзийы дæр уымæй æмбарынц. Æппæт адæмтæ дæр сæ мадæлон æвзагæй сæрыстыр сты.
Æрмæст мах адæмыхатт æгæр лæмæгъ тох кæнæм не ‘взаг бахъахъхъæныныл. Нæ алфамбылай цы адæмыхæттытæ цæ-рынц, уыдон стырæй, чысылæй сæхи мадæлон æвзагыл дзурынц. Чифæнды сæм æндæр адæмыхæттытæй куы уа, уæддæр. Мах та æфсæрмы фæкæнæм нæхи æвзагыл дзурын. Цымæ цæмæн афтæ у?
Ирон æвзаг ахуыр кæнынц æндæр бæстæты дæр, æрмæст нæхи цæсты нæ ахады. Нæ фæсивæдæн йæ фылдæр æмбис нæ дзурынц иронау, нæ зонынц, уымæн æмæ йæ бæстон нæ ахуыр кæнынц скъолаты. Сæ мад, фыд кæнæ сæ нана æмæ бабатæ дæр ма сывæллæтæм дзурынц уырыссагау. О, уырыссаг æвзаг ма зон, зæгъгæ, нæ зæгъын, фæлæ уал дæхи мадæлон æвзагыл дзур. Уырыссагау дæр сахуыр уыдзынæ, дæхи æвзагыл иттæг хорз дзурын æмæ фыссын куы сахуыр уай, уæд. Уырыссагау куы дзура адæймаг, уæд хатт хъуыды нæ акæны йе ‘ппæт ныхæстыл. Фæлæ иронау куы дзурай, уæд та хъæуы хъуыды кæнын нæ ирон æгъдауыл дæр: куыд растдæр сдзурон æмæ ма фæрæдийон, æнæууылд ныхæстæ ма сæппарон мæ дзыхæй. Ирон æвзаг хорз чи зоны, уый зондзæн ирон æгъдæуттæ дæр. Ис бирæ адæмтæ нæ Иры, кæцытæ фæцардысты æндæр бæстæты, уæддæр сæ мадæлон æвзаг нæ ферох кодтой æмæ сыгъдæг дзурынц иронау. Уыдон сты, йæ райгуырæн бæстæ Ирыстон æмæ йæ мадæлон æвзаг чи уарзы, ахæмтæ.
Æз-ма зæгъын уый, æмæ бирæ кусæн бынæтты нæмттæ иронау фыст кæй не сты, фæлæ æрмæстдæр уырыссагау. 
Хъуамæ мах нæ мадæлон æвзаг бæрзонддæр кæнæм. Науæд афтæ рауайдзæн, æмæ, дæ мадмæ цы номæй дзурай, уыцы номæй йæм адæм дæр дзурдзысты.
Мадæлон æвзагмæ не ‘ргом раздахын хъæуы. Уый фыцца-джыдæр кæнгæ у мад æмæ фыдæй, бинонтæй, сабиты рæвдауæндæттæй, хистæртæй æмæ нæ хицауадæй дæр. Æмткæй райсгæйæ та — иумæйагæй, не ‘ппæтæй дæр. Фæлæ сæйрагдæр та адæймагæн хъуамæ йæхи фæнда йе ‘взаг базонын. Мæнæ уын уый тыххæй иу хабар. 
Гаглойты Нодар райгуырдис Гуырдзыйы, ахуыр кодта гуырдзиаг скъолайы, уый фæстæ бацыд уæлдæр юридикон институтмæ Мæскуыйы, ахуыр кодта уырыссагау. Ахуыры фæстæ йæ арвыстой астæуккаг Уæрæсемæ горæт Череповецкмæ, куыста юристæй, йæ алыварс иууылдæр уырыссæгтæ. Иронау хъуамæ куыд сахуыр кодтаид? Фæлæ Нодар афтæ бакодта, æмæ рафыста газет «Рæстдзинад», алы бон дæр æй кастис райдианæй кæронмæ, æмæ сахуыр ис иронау. Абон сыгъдæг мадæлон æвзагæй дзуры, гъеуый дын æцæг патриот, æппындæр æй ничи ахуыр кодта иронау, йæхæдæг йæхи хъаруйæ. Ацы хабар æз æрхастон дæнцæгæн: кæй бафæнда мадæлон æвзаг зонын, уый йæ базондзæн. 
Стæй ма иу фарст: цæуылнæ ис махмæ, нæхи æвзагыл фылдæр чи æвдиса, ахæм телевизион канал, мæнæ Мæхъæлмæ, Цæцæнмæ, Дагестанмæ, Хъæрæсемæ куыд ис, афтæ? Сæ телеуынынады уыдон фылдæр рæстæг сæхи æвзагыл дзурынц æмæ сæм сæ кæстæртæ дæр кæсынц, афтæмæй се ‘взаг, се ‘гъдæуттыл ахуыр кæнынц. 
Иу фиппаинаг ма нæ сыхаг республикæты тыххæй: сæ сæргълæуджытæ фылдæр дзурынц сæхирдыгонау, æмæ сын цыма сæ ныхасмæ адæм хуыздæр æрыхъусынц, афтæ мæм кæсы.

НАСХЪИДАТЫ Васили

"Пульс Осетии"

Категория: Разное | Просмотров: 199 | Добавил: Admin | Рейтинг: 5.0/1
Всего комментариев: 0
Имя *:
Email *:
Код *: