Понедельник, 26.06.2017, 11:52
Главная Регистрация RSS
Приветствую Вас, Гость
Меню сайта
Наш опрос
Что по Вашему необходимо сделать, чтобы созданный или создаваемый Вами бизнес успешно развивался?
Всего ответов: 121
Статистика

Онлайн всего: 1
Гостей: 1
Пользователей: 0
Главная » 2016 » Март » 14 » Кæстæртыл аудæг журналист
22:58
Кæстæртыл аудæг журналист

— Ручкæ-ма райс æмæ фысгæ кæн, — дзуры мæм, мæ фарсмæ кабинеты чи бады, уыцы бæстон архайд æмæ кæстæртæй домаг, рæстзæрдæ журналист Багаты Аврам. — Прошу дать мне 1-комнатную квартиру… 
Фыстон Республикæ Цæгат Ирыстон-Аланийы сæргълæу-уæг Мамсыраты Таймуразмæ… Писмо фыст æрцыд раджы, фæлæ хъуыддагæй абон дæр ницы рауад, абон дæр комму-налкæйы цæрын… Хъуыддаг афтæ рауад, æмæ кæстæртыл аудæг, цардвæлтæрд хистæры фæндыд, цæмæй йе ‘мкусæгæн, бирæ кæстæр дзы чи у, уымæн — йæ царды уавæртæ фæхуыздæр кæнинаг кæмæн сты, уыцы журналисткæйæн лæвæрд æрцыдаид иууатон фатер. 29 азы æнæбонцухæй чи фæкуыста æмæ кусы, улæфты дæр чи никуы уыд, уыцы æнамонд сылгоймагæн.
Уыцы цæстуарзон, фæндаг-амонæг æмæ æнæнцойзæрдæ хистæр уыд журналист, газет «Рæстдзинад»-ы дысвæлдæх-тæй чи фæкуыста дзæвгар азты æмæ ныр дæр æнæрынцойæ чи архайы, кæстæртæн фæзминаг дæнцæгæн кæй хæссынц, уыцы фæлтæрдджын, цæстуарзон, хуымæтæг адæймаг, Хуссар Ирыстоны сгуыхт журналист Багаты Аврам Никъалайы фырт.
Писмо куы арвыстон, уæд мæ фынты фырцинæй хæрдмæ схъиудтон, æдзухæйдæр уыдтон уыцы фын, цыма райстон фатер: куы-иу фырцинæй мæ мадмæ дзырдтон телефонæй, куы та-иу мæ хоты хуыдтон фатермæ, фенут æй, зæгъгæ… Фæлæ, диссаг, кæйдæр цæст мын нæ бауарзта, æвæццæ-гæн… 
Хъуыддаг уымæн дзурын, æмæ хистæртæй цæстуарзо-нæй кæстæртыл чи ауды, уый йæхицæн дæр æмæ йæ адæмæн дæр лæггад кæны. Уымæн æмæ иугай михтыл кау бийæн нæй. Бæргæ, куы фæуыдаин уыцы рæстæг ме ‘мкусæджы фæндиаг… Фæлæ цард алыхуызон у, бирæ æфтуантæй рæзы, æмæ мæнæн мæ хъысмæт хуыздæр нæ загъта, кæд мын хæрзмæ-мбæлджытæ уыдис æмæ ис, 
уæддæр. Бузныг ын йæ аудын-дзинадæй!..
Ныр дыууиссæдз азæй фылдæр газет «Рæстдзинад»-ы дысвæлдæхтæй кусы Багайы-фырт. Цалынмæ йæ мад Хуыбиан цард, уæдмæ, зымæг уа, сæрд, алы бон дæр фæскуыст тагъд кодта йæ хæдзармæ Тарскæйы хъæумæ дæс æмæ ссæдз азæй фылдæр. 
Зæрдæ æмæ цардæмбары-над диссаджы миниуджытæ сты адæймаджы бæрзонд удыхъæдæн, йæ зондахастæн. Хъуамæ, адæймаг куы цæра, уæд адæймагæн аргъ кæна, цы хъуыддаджы лæуд у, цы архайæг у, цы йæ хъæуы царды, цæмæ бæллы, цæмæ тырны ацы дунейыл, цæуыл у йе ‘рвылбоны фыдæбон, æппынфæстаг, йæ царды тох. Махмæ афтæ фæкæсы хатгай, æмæ нæ æрыгон фæлтæрæй бирæтæ ис ахæмтæ, цардмæ уæлæнгай цæстæнгас чи дары, уæлдай кæмæн у, чи куыд цæры, чи цæмæй хъæрзы, цæй аххосæй æмæ афтæ дарддæр.
Куысты мидæг алцыдæр вæййы. Аврам бахъуаджы рæстæг балæууы адæймаджы фарсмæ. Уæдæ адæмимæ цæрын чи зоны йæхи хуызæн, йæхицæй хуыздæр. Цины уа, цыфæнды хъуыддаджы дæр фæстæ никæд фæлæууыд. Багаты стыр мыггаджы ’хсæн у нымад адæймаг. Уæдæ куысты мидæг никæмæй фæстæдæр лæууы, ауды кæстæртыл, райдайгæ журналист æнæ-ныфсхаст вæййы, цыдæр къуы-лымпыдзинæдтæ феййафы. 
Фæлæ фидарзæрдæ, дардмæ-уынаг Багайы-фырт, йæ фæ-донтимæ иузæрдион уæвгæйæ, суинаг цардаразджытæн амоны хуыздæр æмæ ногдæр гæнæнтæ æмæ раст зонд. 
«Рæстдзинад»-ы газеткæс-джытæй алкæмæн дæр зындгонд сты йæ очерктæ, уацаутæ, нывæфтыдтæ, информацитæ æмæ поэтикон рæнхъытæ. Уæдæ цал æмæ цал æдзард хъæбатырыл ныффыста Ирыс-
тонæй Фыдыбæстæйы Стыр хæсты чи фесæфт, чи нал сыздæхт, науæд стыр хъæба-тырдзинад чи равдыста. Мæнæ куыд фыссы йæ иу очеркы: 
«Алы бæстæйæн дæр ис йæхи хъæбатыртæ, уыдон фæлтæрддзинадыл, се сгуыхт-дзинæдтыл хъомыл кæнынц кæстæр фæлтæры. Нæ Рай-гуырæн бæстæ, Уæрæсе, хъæбатыр бæстæ у. Йæ историйы миназоны хæстон азтæ фылдæр уыдис сабыр азтæй. Фæлæ ныффæрæзта знæгты цæфтæн. Æмæ бахъуаджы заман, цæмæй фæсивæд бæстæ бахъахъхъæнынмæ цæттæ уа, 
уый тыххæй хъæуы æцæг хъæбатырдзинады дæнцæгтæ.
Хъæбатыр, фыццаджыдæр, у хæсты фæллойгæнæг, хъыс-мæт ын уый тыххæй кæмфæн-ды дæр — акъоппы æви Генералон штабы — куы скæна бынат, уæддæр. Кæд командир уа, уæд, фыццаджыдæр, ахæм, йæ салдæтты чи хъахъхъæны, нымæцæй нæ, фæлæ арæхстдзинадæй, фæл-тæрддзинады фæрцы размæ-вæрд хæстæ чи æххæст кæны, йæхи хъæбатырдзинад фæзминаг кæмæн у». 
Аврам схъомыл кодта рæ-сугъд кæстæртæ — чызг æмæ лæппу, ис сын цот. Уыцы сабитæн ныридæгæн дæр æнæ баба цæрын сæ бон нæу, арæх æм æрбацæуынц хæдзармæ. Сывæллæттæй чи ныв кæныныл фæцалх, чи кафын уарзы, чи та зарын. Æмæ та уæд сæ хуртæй æфсæст 75-аздзыд Аврам дæр, йæ бон куыд у, афтæ йæ хъæбулты хъæбултæн сæ гыццыл зæрдæтæм фæндаг ссары йæ рæдау ахаст æмæ рæвдыддзи-надæй. Гъе ахæм у нырыккон журналист, Цæгат Ирыстоны культурæйы сгуыхт кусæг, æхсæ-надон архайæг, Багаты мыггаджы Советы активон архай-джытæй иу, адæмон газет «Рæстдзинад»-ы патриотон хъомылады хайады разамонæг Багаты Аврам. 
Аврам, æнæниз нын у, æмæ дæ фæллойадон хъомыс дард-дæр фидардæр кæнæд! Лæгты дзуар дын æххуысгæнæг уæд æмæ дæ  кæстæрты хуртæй бафсæд, ныфсы хос дын уæд кæддæриддæр!
Бирæ ма дын бантысæд нæ бæстæты сæрибаруарзаг адæмы æмæ сабырдзинады фарнæн!

БЫЗЫККАТЫ Земфирæ

 

"Пульс Осетии"

Категория: Общество | Просмотров: 506 | Добавил: Admin | Рейтинг: 0.0/0
Всего комментариев: 0
Имя *:
Email *:
Код *: